MATI NEWSBITS

Prison Awareness Sunday – Gisaulog ang Prison Awareness Sunday niadtong Oct. 26 pinaagi sa pagduaw sa pundok sa mga relihiyosa ug mga kabatan-onan ang Provincial Reformatory and Rehabilitation Center, kon diin usab si Fr. Orveille Andrade, parochial vicar sa Divine Mercy Shrine and Parish, ang nanguna sa kasaulogan sa Eukaristiya alas 10:00 sa buntag.  Human sa Stos. nga Misa gibasa ang usa ka hamubo nga mensahe gikan ni Bishop Patricio Alo alang sa mga piniriso nga nagpadayag sa iyang pagpakigduyog sa ilahang selebrasyon, ug pagdasig kanila sa pagpuyo sa pulong sa Diyos ug pagsalig sa gugma sa Ginoo sa bug-os nga paglaum, taliwa sa mga pagsulay.  Matud pa ni Sr. Mylene Malinao sa Living the Gospel Community (LGC) nga subling midonar ang Obispo og mga bibliya alang sa mga inmates.  Mga batan-ong volunteers sa San Nicolas de Tolentino Cathedral ug Divine Mercy Parish ang aktibong mitabang sa pagplastar sa mga gamit sa Misa ug sa pagpangapod-apod og pack-lunch ug mga butang nga magamit sa mga piniriso, ug ingon man, mga ispirituhanong balasahon.

Golden Jubilee of Maryknoll High School  – Niadtong October 24, 2014 gisaulog sa Maryknoll HS of Sigaboy ang ilahang ika-50 nga kasumaran sa pagkatukod sa tulunghaan.  Gisubay ang tema nga Maryknoll @50…with grateful hearts.  Ang Obispo Pat Alo ang nag-preside sa concelebrated Holy Mass  alas 9:00 sa buntag sa St. Francis Xavier Parish Church nga gitambongan sa tanang mga magtutudlo ug tinun-an, pinangunahan usab nila Sr. Minda Renegado, TDM, principal/directress, ug Sr. Aurelia Mendez, TCM, treasurer.  Miduyog usab si Sr. Ma. Gertrudes Neri, TDM superior general, ug ubang mga TDM nga kanhi nag-alagad sa tulunghaan.  Ang adlaw mao sab ang Family Day ug Alumni Night sa Maryknoll, ug sa udto namatikdan ang dakong kasakya sa mga pamilya sa native boodle lunch nga gipahigayon sa hamugaway nga school grounds.

117^th Parish Fiesta –  Ang Parokya ni San Francisco Javier sa Manay, Davao Oriental ang nagsaulog sa ilahang ika-117 nga Fiesta Parokyal sa Oct. 25.  Ang tema: “Ikaw, gasa ug bahandi sa simbahan…puy-i ug isangyaw ang Maayong Balita.”  Si Bishop Alo ang nag-preside sa Stos. nga Misa ug si Fr. Edito Baño ang nagwali sa homily nga nagpahayag sa kahulugan ug diwa sa pagpasalamat nga mao puy gipadayag sa pulong Eukaristiya.  Sa wala pa matapos ang Misa, gihangyo ni Fr. Manuel Trocio, ang parish administrator, ang usa ka minuto sa hilom nga pag-ampo alang sa masakiton nga kanhi kura paroko Fr. Nelson Martinez.  Sa bisperas sa fiesta, miduyog gayud ang 48 ka mga GKKs sa 7 ka Sona sa Misa sa alas 3:00 sa hapon ug procession. Gipahigayon ang parochial night sa gabi sa fiesta sinundan sa kalingawan sa mga dinapit nga mag-aawit ug comedians gikan sa Manila nga gi-sponsor sa LGU sa Manay.

ANNUAL VOCATION CAMPAIGN HELD IN CALINAN 

25 Seminarians coming from the four parishes of the Sacred Heart of Jesus Vicariate ( The Most Sacred Heart of Jesus Parish, Calinan, St. John Paul II Parish, Los Amigos, San Isidro Labrador Parish, Lomundao, and San Roque Parish , Malabog) conducted their annual vocation campaign activity in the different high schools in the vicariate. They started at Holy Cross College of Calinan where they had a friendship game against the high school varsity of the said school. Playing basketball and volleyball games are one of the ways to campaign for the vocation to priestly life. The Sacred Heart Vicariate seminarians together with Rev. Fr. Mervin George Maglana had won the volleyball ( 2 – 1) and the basketball ( 79 – 71).

BY SR. MARIETTA ALO, OND