Ang Sakramento sa Kompirma

P: Unsa man ang epekto sa Kompirma?

T: Ang epekto sa Kompirma usa ka talagsaon nga pagbuhagay sas Espiritu Santo sama niadtong sa Pentekostes. Kining maong pagpabuhagay nagakulit diha sa kalag og dili mapapas nga patik ug nagadalag pagtubo diha sa grasya sa Bunyag. Gipagamot nga mas lawom pa ang nakadawat niini diha sa diosnong pagka-anak, gibugkos nga mas hugot pa siya ngadto kang Cristo ug ngadto sa Simbahan ug gipahimsog diha sa iyang kalag ang mga gasa sa Espiritu Santo. Naghatag kini og usa ka talagsaong kusog sa pagsaksi ngadto sa Kristohanong pagtoo.

P: Kinsa man ang makadawat niining sakramentoha?

T: Kadto lamang mga nabunyagan na ang makahimo ug kinahanglan nga makadawat niining sakramentoha sa makausa lamang. Aron epektibong madawat ang Kompirma, ang kandidato kinahanglan anaa sa kahimtang sa grasya.

P: Kinsa man ang ministro sa Kompirma?

T: Ang orihinal nga ministro sa Kompirma mao ang obispo. Niining paagiha gipadayag ang kadungtongan tali sa gikompirmahan ug sa Simbahan sa apostolikanhon nga kabahin niini. Kung ang pari mao ang nagahatag niining sakramentoha sama sa kasagaran nga nahitabo sa Simbahan sa Sidlakan ug sa talagsaong mga hitabo tali sa Simbahan sa Kasadpan, ang kadungtongan ngadto sa obispo ug sa Simbahan gipadayag sa pari ang kabulig sa obispo ug sa Balaan nga Krisma, nga gikonsagrahan sa obispo mismo.
(Kompendiyo sa Katesismo sa Simbahang Katoliko, 268-270)