Pangulo sa Pagpahigayon sa Impormasyon sa St. Mary Parish gipadala

Ang hustong inpormasyon makadasig ug makalig-on sa Gagmay’ng Kristohanong Katilingban (GKK), tungod niini ang St. Mary of the Perpetual Rosary Parish sa Buhangin nagmugna og Pangulo sa Pagpahigayon sa Impormasyon (PPI) aron maka-abag sa mga Pangulo sa Katilingban (PSK); sila usab ang mopatigayon ug mopakaylap sa Davao Catholic Herald ngadto sa tagsa-tagsa nila nga katilingban, motampo usab sila sa newsletter sa Parokya nga mao ANG ROSARYOHAN. Kaniadtong September 14, 2014 sa alas kwatro sa hapon nga Santos nga Misa sa unang higayon ang mga PPI gipadala sa ilang tagsa-tagsa ka mga GKK pinaagi ni Msgr. Maximo M. Sarno.