Musika ug Imahen

P: Unsa man ang mga sukdanan alang sa angay nga paggamit sa pag-awit ug musika sa mga liturhikanhong kasaulogan?

T: Sanglit hugot man kaayo ang panagdugtong sa awit ug musika uban sa liturhikanhong lihok kinahanglan mohatod sila niining mosunod nga mga sukdanan. Kinahanglan gayod nga ang ilang mga teksto mosubay sa doktrina Katolika nga piniling kinutlo gikan sa Balaang Kasulatan ug mga liturhikanhong tinubdan. Sila kinahanglan nga usa ka matahom nga pagpadayag sa pag-ampo. Ang musika kinahanglan nga taas ang kalidad. Ang awit ug musika kinahanglan magdasig sa liturhikanhong pundok sa pagsalmot, Kinahanglan nga magpadayag sila sa kulturikanhong kabahandianon sa Katawhan sa Dios ug sa sagrado ug solemne nga kinaiya sa kasaulogan. “Ang naga-awit, makaduha mag-ampo” (San Agustin)

P: Unsa may katuyoan sa mga balaan nga imahen?

T: Ang imahen ni Cristo mao ang labing taas nga matang sa liturhikanhong larawan. Ang ubang mga imahen, mga pag-ila sa Atong Inahan ug mga Santos, nagatimaan kang Cristo ang gihimaya diha kanila. Gisangyaw nila ang mao gihapon nga mensahe sa Ebanghelyo nga gipadangat sa Balaang Kasulatan pinaagi sa pulong ug nagatabang sila pagpukaw ug pag-amuma sa pagtoo sa mga matuuhon.

(Cf. Kompendiyo sa Katesismo sa Simbahang Katoliko, 239-240)