Tagum clergy daug sa basketball game kontra Davao Clergy

Sa score nga 91-75, gipildi sa mga kaparian sa Diocese of Tagum ang mga pari sa Archdiocese of Davao sa ilang basketball game niadtong Agosto 4 sa St. Francis Xavier Regional Major Seminary covered court.

Ang maong dula gihimo isip pagsaulog nila sa kapistahan ni St. John Marie Vianney, nga mao ang giila nga patron sa mga pari.

Nahimo usab nga higayon ang maong dula nga magkitaay ug magkahimamatay ang mga classmate ug mga contemporaries sa seminary diin sila gi-porma aron mahimong pari sa ilang diyosesis.

Nasayran usab nga adunay gihimong retreat ug updating ang mga kaparian sa Tagum didto sa Blessed Marie Rivier Retreat House sa Catalunan Grande ug gi-okasyon na usab ang ilang gihimong basketball game kauban ang mga kaparian sa Dabaw. (@johnfrancesf)