Parokyano sa VDP gi-welcome si Fr. Otek

Do everything  for Christ’s sake and for His glory”, mao kini ang mga pulong nga gisulti ni Fr. Jose Marie “Otek” Escuadro isip maoy iyang sumbanan sa iyang pagka assign saVirgen Dolorosa Parish sa Babak, IGaCoS.

Ang mga parokyano sa VDP malipayon ug mapasalamaton kaayo nga mi-welcome kay Fr. Otek isip bag-ong  Parochial Vicar  niini puli ni Fr. Arnold Balaquinto. Nang hinaot ang tanan nga mamahimo pud siyang instrument aron mosamot paglambo ang pagtoo ug ang mga GKK sa parokya mosamot kalig-on pinaagi sa iyang paghatag ug pastoral guidance uban sa kuraparoko nga si Msgr. Nelson Lucas.

Sumala pa ni Fr. Otek paningkamotan niya nga makatabang ug makatubag sa mga panginahanglang  pastoral sa mga GKK. Nanghinaut pud siya nga ang mga miyembro sa GKK maningkamot sa pag- appreciate  sa ilang papel isip mga Kristyano.

Si Fr. Otek nagserbisyo isip usaka chaplain sa Davao Doctors Hospital sulod sa walo katuig bag-o nabalhin sa VDP.  Ma- assign siya isip Parochial Vicar and Pastoral Assistant to the Island Parishes sulod sa duha katuig.