Parokyano sa Babak nakabenipisyo sa Medical Mission

Dul-an 800 ka mga parokyano sa Virgen Dolorosa Parish ang naka benipisyo sa gipahigayon nga medical mission sa parokya niadtong Agosto 1 nga gihatag sa pamilya nila Ernesto Sr. ug Mercedita Evangelista ug sa St. John Paul II College of Davao.

Matod pa ni April Evangelista ilang napili ang parokya kay kahibalo sila nga naay daghan nga mga indigents nga nanginahanglan ug tabang labina sa medical nga aspeto. Sumala pa ni April kining maong outreach program usa ka pamaagi sa ilang pamilya aron ibalik ug I share sa mga katawhan ang mga blessings nga ilang nadawat.

Ang maong medical mission naglangkob sa medical ug opthalmological consultations kung asa ang mga doctors sa Southern Philippine Medical Center (SPMC) maoy nangunay sa paghatag sa ilang serbisyo. Pagkahuman sa consultations nay gipanghatag nga mga tambal ug libreng eye glasses nga mismo ang pamilya Evangelista ang naghatag. Naghatag pud sila ug pagkaon para sa mga pasyente nga naghulat nga sila makonsulta sa mga doctors.

Salaing bahin nay mga 36 ka mga pasyente nga nanginahanglan ug opera sa ilang mga mata tungod kay may mga cataract ug uban pa nga diperensya sa mata ang pa operahan sa mga Evangelista.

“Dako kaayo akong pasalamat sa pamilya Evangelista niining ilang gihatag nga mga tambal. Makatabang na ni ug dako aron maalibyohan akong sakit sa likod ”, sumala ni Vivencia Palma Gil nga taga Sr. Sto. Nino chapel sa Caliclic.

Kauban sa mga SPMC doctors mao ang mga studyante ug staff sa St. John Paul II College of Davao nga gipanag-iya sa pamilya Evangelista nga gidumala usab ni April.  “ This is one way of inculcating the sense of volunteerism and develops them to become a better individual.  We are bringing them to activities that touch their hearts”, ingon pa ni April.

Ang pamilya Evangelista mga 20 katuig na nga nagahimo ug lain laing mga outreach programs sa nagkalainlaing parokya sa Davao.  Kada Disyembre nagahatag sila ug mga pamaskong regalo sa mga parokyano sa Virgen Dolorosa Parish.

Dako kayo ug walay kabutangan ang kalipay ni Msgr. Nelson Lucas ang kura paroko, sa serbisyo nga gihatag sa mga Evangelista sa iyang mga parokyanosa VDP. Ug siya kanunay ng nagaampo nga angGinoo magpadayon sa pagbobosa iyang grasya sa maong pamilya aron daghan pa kining matabangan.

Ang malampuson nga aktibidad nahitabo pinaagi sa koordinasyon sa Parish Social Action Ministry nga gipanguluhan ni Marites Borres ug sa iyang mga kaubanan didto sa nagkalain-laing GKK sa parokya.