Hasta la Vista Fr. Arnold

“Babels and we love you!”, mao kini ang daw sama sama kabungog nga makusog nga dalogdog nga pagtimbaya ug pagpasalamat sa mga parokyano sa Virgen Dolorosa Parish human sa katapusang Sunday Mass nga gihimo ni Fr. Arnold “Notnot” Balaquinto, DCD ang parochial vicar human siya gibalhin sa iyang bag-ong assignment sa St. Joseph Parish, Sasa, Davao City sugod Agosto 1.

Usa ka despedida party ang gihatag sa parokya kay Fr. Notnot niadtong Hulyo 28 nga giuluhan ug Hasta la Vista Fr. Notnot. Kini gitambongan sa nagkalainlaing mga apostolado sa parokya ug sa iyang mga suod nga higala. Sa laing bahin ang grupo sa Lectors, Commentators, Cantors ug Psalmists (LCCP) nagpahigayon pud ug pahiunang despedida niadtong Hulyo 26 sa Rainbow Breeze kung asa nakita pagsamot ang pagkasi-aw ug pagkabibo ni Fr. Notnot.

Si Fr. Notnot dili gyud makalimtan sa taga VDP tungod sa iyang pagkasi-aw ug sa pamaagi niya nga mohatag sa iyang homiliya. Sumala pa sa usa ka parokyano, “you rocked VDP Fr. A”. Iya usab nga napaaktibo ug samot ang mga kabatan-onan sa parokya pinaagi sa iyang pagtutok sa nagkalain-laing programa sa mga batan-on.  Ingon man nga iya usab na organize ug na energize pagsamot ang grupo sa LCCP.

Aktibo usab kaayo siya sa nagkalain-laing aktibidad sa GKK sa parokya. Uban kay Msgr. Nelson Lucas ang kura paroko, ilang gipaningkamotan nga maabot jud ang tanang GKK ug maserbisyohan kini sa ilang mga pastoral nga panginahanglan.

Sakit man para sa mga parokyano sa VDP ang iyang pagbalhin, nanghinaut na lamang sila nga magpadayon si Fr. Notnot sa iyang pagserbisyo ug tudo-todo sa iyang bag-ong parokya ug pagaubanan siya kanunay sa Espirito Santo ug ni Mama Mary. Hasta la Vista Fr. Arnold “Notnot” Balaquinto.

By: ROMMEL R. JANDAYAN