Ang Nagsaulog sa Liturhiya

P: Kinsa man ang nagalihok dinha sa liturhiya?

T: Dinha sa liturhiya ang tibuok Cristo (Christus Totus) ang nagalihok, ang Ulo ug ang Lawas. Isip atong Pangulong Pari nagasaulog siya uban sa iyang lawas, nga mao ang Simbahan sa langit ug sa yuta.

P: Kinsa man ang nagasaulog sa langitnong liturhiya?

T: Ang langitnong liturhiya ginasaulog sa mga anghel, sa mga santos sa Daan ug sa Bag-o nga Testamento, labina sa Inahan sa Dios, sa mga Apostoles, sa mga martir, ug sa “dakong panon sa katawhan ug pinulongan” (Gipadayag 7:9). Sa atong pagsaulog sa misteryo sa atong kaluwasn dinha sa mga sakramento nagasalmot kita niining maong liturhiya nga dayon.

P: Sa unsa man nga paagi nagsaulog ang Simbahan sa liturhiya dinhi sa yuta?

T: Ang Simbahan dinhi sa yuta nagsaulog sa Simbahan sa liturhiya isip usa ka parianon nga katawhan diin ang matag usa nagalihok sumala sa iyang tukma nga tahas diha sa kahiusahan sa Espiritu Santo. Ang mga binunyagan nagahalad sa ilang kaugalingon diha sa usa ka espirituhanon nga sakripisyo; ang mga naordenahang mga ministro nagsaulog sumala sa Orden nga ilang nadawat sa pangalagad sa tanang mga sakop sa Simbahan; ang mga Obispo ug mga pari nagalihok diha sa Persona ni Cristo, ang Ulo.

(Cf. Kompendiyo sa Katesismo sa Simbahang Katoliko, 233-235)