Ang Mga Sakramento

P: Ngano nga epektibo man ang mga sakramento?

T: Ang mga sakramento epektibo ex opera operato (“diha mismo sa sakramentohanong lihok nga buhat”) tungod kay si Cristo mao man ang nagalihok diha sa mga sakramento ug nagapadangat sa grasya nga ilang gitima-an. Ang pagkaepektibo sa mga sakramento wala maga-agad sa personal nga kabalaan sa ministro. Ginuon, ang mga bunga sa mga sakramento naga-agad sa mga disposisyon sa nagadawat kanila.

P: Sa unsang katarongan nga gikinahanglan man ang mga sakramento alang sa kaluwasan?

T: Alang sa mga nagatii kang Cristo, ang mga sakramento, bisan og dili ang tanan niini gihatag sa matag matuuhon, gikinahanglan alang sa kaluwasan tungod kay sila nagpadangat sa sakramentohanong grasya, pasaylo sa mga sala, pagkasinagop nga mga Anak sa Dios, nagpakisama kang Cristo ang Ginoo ug pagpahisakop diha sa Simbahan. Ang Espiritu Santo nagaalim ug nagapausab kanila nga midawat sa mga sakramento.

P: Unsa man ang sakramentohanong grasya?

T: Ang mga sakramentohanong grasya mao ang grasya sa Espiritu Santo nga gihatag nu Cristo ug iyaha lamang sa matag sakramento. Kining maong grasya nagatabang sa mga matuuhon sa ilang panaw paingon sa kabalaan ug sa ingon naga-abag usab sa Simbahan pagtubo diha sa gugma ug diha sa iyang pagsaksi ngadto sa kalibotan.

P: Unsa man ang kalambigitan tali sa mga sakramento ug sa kinabuhi nga dayon?

T: Diha sa mga sakramento ang Simbahan nagadawat na sa pasiunang tilaw sa kinabuhing dayon “samtang nagapaabot sa bulahang adlaw inigpadayag na sa himaya sa gamhanang Dios ug Manluluwas nga si Jesucristo” (Tito 2:13) (Cf. Katesismo sa Simbahang Katoliko, 229-232).