Ang Espiritu Santo ug ang Misteryo Paskwal

P: Sa unsa man nga paagi nagalihok ang Espiritu Santo diha sa liturhiya sa Simbahan?

T: Ang labing suod nga pagbinuligay ang nagalihok diha sa liturhiya tali sa Espiritu Santo ug sa Simbahan. Ang Espiritu Santo naga-andam sa Simbahan pagtagbo sa iyang Ginoo. Siya nagapahinumdom ug nagapadayag kang Cristo ngadto sa pagtoo sa nanagkatigom. Siya tinuod nga nagapa-anaa gayod sa misteryo ni Cristo. Siya nagahiusa sa Simbahan ngadto sa kinabuhi ug  sa misyon ni Cristo ug nagahimo nga ang gasa sa kahiusahan mamunga diha sa Simbahan.

P: Unsay kahulogan sa mga sakramento ug unsa man kini sila?

T: Ang mga sakramento, nga tinukod ni Cristo ug gitugyan sa Simbahan, mga epektibong timaan sa grasya masinati sa mga galamhan. Pinaagi kanila, ang diosnong kinabuhi gipadangat nganhi kanato. May pito ka mga sakramento: Bunyag, Kompirma. Santos nga Eyukaristiya, Kompisal, Paghilog sa mga Masakiton, Balaan nga mga Orden ug Kasal.

P: Unsay kalambigitan sa mga sakramento ngadto kang Cristo?

T: Ang mga misteryo sa kinabuhi ni Cristo mao ang mga sukaranan sa unsay iyang ipanghatag diha sa mga sakramento, pinaagi sa mga ministro sa iyang simbahan.

“Ang makita kanhi diha sa atong Manunubos milabang ngadto sa iyang mga misteryo.”           

 (SAN LEON ANG BANTOGAN)
(Cf. Kompendiyo sa Katesismo sa Simbahang Katoliko, 223-225)