“The Red Light is On: Stop Human Trafficking”

Ang grupo sa Global Impact Philippines Foundation pinaagi sa pakig-alayon sa Ateneo Migration Center – Ateneo Public Interest and Legal Advocay, mipatigayon ug seminar didto sa Ritz Hotel Bo. Obrero kani-adtong Hunyo 26, 2014 (Huwebes) kabahin sa “Human Trafficking.”

Tinambongan sa nagkalain-laing sector gikan sa LGUs, Local Churches sa Davao (Protestante ug Katoliko), mga pastor, mga parish representatives, PNP, Barangay officials ug uban pang mga taga local nga kagamhanan ning syudad.

Mga expert and mga speakers national ug international. Usa sa mga speaker mao si Atty. Romeo T. Gabarde Jr., and Chairman ug Director sa UCEAC nga mi-welcome sa mga nanambong.

Si Atty. Barbara Mae Pagdilao-Flores, Deputy Regional Prosecutor, Regional Prosecution Office XII DOJ-IACAT XI maoy mihatag sa local situationer oh Human Trafficking. Matud pa niya, adunay natala nga 63-ka mga kaso pa ang napasaka dinhi sa local ug 11-ka kaso niini ang na-dismiss; 9 ang gisilotan; 12 ang archieved; 30 ang active ug usa (1) ang na-abswelto — kasagaran sa mga biktima mga babaye.

Si Mr. Rolando Lopes kanhi FBI Agent mao ang mipasabot usab kabahin sa Global Situationer sa Human Trafficking, ug nasayran nga ang Human Trafficking usa diay ka dakong negosyo ug labaw kining organisado hilabi na ang struktura niini: Mga kakunsabo: 1.) Mga investors 2.) Recruiters 3.) Transporters 4.) Corrupt Public Officials 5.) Intorcers 6.) Crew member 7.) Debt collectors 8.) Money Lenders ug supporting personnel ug specialist. Gipasabot usab niya ang mga bahin sa: Trafficking Routes; Drug Trafficking Routes; Cartel Trafficking Routes, etc.

Ang Managing Director sa Alvarez & Marsal LLC nga si Mr. Art Ehuan, mipasabot usab kabahin sa Cyber Crime, ug iya usab gihisgutan ang mga nagka-lain-laing klase sa Human Trafficking sama sa: Sexual Exploitation; Force Labor; Human Organ ug uban pa. Mikabat na sa 21 Million ang mga biktima sa force labor, matud pa niya.

Si Mr. Rolando Lopez usab ang Founder sa “Orphan Secure” ug usa usab siya ka kanhing FBI Agent – siya ang mipasabot bahin sa “body language detection.”

Ang Human Trafficking usa ka dakong hulga alang sa atong mga kabatan-onan karon ug hilabina alay sa uma-abot. Busa, ang maong grupo gi-awhag sa mga katawhan sa Davao mulihok aron sa pagbatok sa Human Trafficking nga mikuyanap na dinhi ug aduna silay ihatag nga TIPO giya kon unsay angay buhaton aron matabangan sa pag santa and Human Trafficking ug mao kini:

1. BE AWARE = Kinahanglan masayud ta kabahin sa isyu; atong sayron ang mga sinyales ug ilhanan sa trafficked victim; ug sa pag-edukar mahitungod sa balaod.

2. BE A VOICE = Pahibal-on ang uban kabahin ani nga isyu; e-share and reporting hotline ug mga contact numbers sa mga hintugdan, e-promotar ang awareness ug prevention sa Human Trafficking.

3. BE INVOLVED = Pag-apil o pakiglambit sa mga volunteers sa mga Human Trafficking organization. Pag organisa ug maka-hatag ug financial assistance. Pag0ampo alang sa mga biktima ug nga unta adunay mga epektibong intervention would take place.

Call/Txt Hotline Nos:
0917-718-5588 or
(082) 330-3058