Hiniusang kasaulogan sa lungsod ug parokya gitimaan

MATI CITY  –  Gisaulog sa labing karaan nga parokya sa Diyosesis sa Mati – ang San Salvador del Mundo sa Caraga, Davao Oriental, ang ilahang ika-130 nga Parochial Fiesta niadtong Hulyo 15-16, 2014.

Gidungan usab kini sa ika-111 nga Founding Anniversary o Araw ng Caraga,  kung diin nagkahiusa ang kura paroko ug ang mayor sa pagdapit sa katawhan sa pag-ampo, pagsalmot, pagpasalamat, pagduso, ug pagpamalandong pinasubay sa  tema: “A Call for Unity towards Achieving Greater Goals.”

Kini ang gitataw nila Fr. Uldarico A. Toroba Jr. ug Mayor Alicia B. Mori sa ilahang hiniusang pagpangandam ug pagsaulog sa nagkadaiyang mga kapistahan alang usab sa mas lig-on nga partisipasyon sa mga Caragueños sa lungsod ug sa gawas, ug ingon man sa mga dumuduong nga mga bisita.

Matud pa ni Mayor Mori nga “mga talento gayud sa mga Caragueños ang among gipondohan ug gipasundayag, ug  wala kinahanglanag mo-import ug  taga-gawas, samtang nagpadayon ang among hugot nga pagtinabangay sa lungsod ug sa simbahan sa pagbangon gikan sa bagyong Pablo.”

Tanang  Gagmayng Kristohanong Katilingban (GKK) ug mga apostolado, barangay, tulunghaan, mga sektor sa panggamhanan (LGU), patigayon, farmers and fisherfolk, sports, ug mga selected families ang miangkon og mga kaakuhan o sponsorship sa matag adlaw (ug gabii) gikan saOpening Salvo of Activities ug pagsugod sa mga Novena Masses sa Hulyo 7 hangtud sa Fiesta day sa Hulyo 16 nga natapos sa Congressman’s/Governor’s Night, sa pagpaluyo usab nila Gov. Corazon N. Malanyaon, Vice Gov. Joel Mayo Z. Almario, ug Cong. Nelson L. Dayanghirang.

 Si Obispo Patricio H. Alo ang nanguna sa paghalad sa balaang Sakripisyo sa Eukaristiya – concelebrated Eucharistic Celebration – sa fiesta day, kauban ang halos tanan nga mga paring diyosesano sa mga kalungsoran sa Kontra Kosta ug Gulfo ug pipila ka mga relihyoso, kinsa usab ang mitambong sa Presbyterium meeting sa Clergy house conference hall sa bisperas sa fiesta; samtang sa hapon sa fiesta (Hulyo 16), nakigduyog usab ang kadaghanan sa Fiesta Mass sa Carmel Chapel of St. Teresa and St. Joseph sa bukirang bahin sa Tua Tua, Matiao, Mati City.

Ang Prayer for the Country, its Leaders and its Peoples ang gi-invokar ni Fr. Toroba sa selebrasyon sa ilahang 111^th Founding Anniversary sa lungsod ug sa 130^th Parochial Fiesta, kon diin ispisyal nga giampo ang mga kabag-ohan sa kaugalingon aron kining personal nga conversion mo-impact ngadto sa komunidad sa mga disipulo ni Kristo, “that as agents of change and transformation we would contribute to the springtime of holiness, fix our eyes on Jesus (Heb. 12:2), in our journey through our daily lives, as we venture through a life’s mission aimed towards unity, progress, peace and happiness as a believer, a family, and most of all as an entire community of God.”

Viva San Salvador del Mundo and Happy Fiesta Caraga!

By Sr. Marietta Alo, OND