Davao River Festival Pagahimuon sa Agosto

Usa sa mga highlight karong umaabot nga Kadayawan Festival ang Davao River Festival diin onse ka mga tribo ning siyudad ang musalmot sa maong kapistahan.

Matod pa ni Reynan C. Librado, head sa Kadayawan River Festival, magsugod ang fluvial parade sa Bankerohan river hangtod Tionko field diin mahitabo usab ang “Panagtagbo” sa mga tribo. Sa “Panagtagbo” makita ang nagkalaing-laing ritwal ug cultural nga pasundayag nga pasundayag sa onse ka tribo.

Ang Davao River Festival gibalik lang adtong miaging tuig human kini mawala sa opisyal nga linya sa mga aktibidades atol sa Kadayawan Festival sa tulo ka tuig.

Nahimong sentro sa negosyo ug komersyal sa mga tribo ang Davao River sa milabayng panahon maong parte na kini sa historya sa siyudad.

Pagahimoun ang Davao River Festival sa Agosto kinse atol pagselebrar usap sa Indigenous People’s Day.