Ang Liturhiya – Buhat Sa Labing Balaan Nga Trinidad

P: Unsa man ang gilangkob sa sakramentohanon nga ekonomiya?

T: Gilangkob sa sakramentohanong ekonomiya ang pagpadangat sa mga bunga sa kang Cristong katubsanan pinaagi sa kasaulogan sa mga sakramento sa Simbahanm ilabina ang Eyukaristiya, “hangtod sa pagbalik niya” (1Corinto 11:26).

P: Sa unsa man nga paagi ang Amahan nga tinubdan ug ang tumong sa liturhiya?1077-1083

T: Pinaagi sa liturhiya, ang Amahan nagapuno kanato uban sa iyang mga panalangin diha sa Pulong nga nahimong tawo nga namatay ug nabanhaw alang kanato ug nagabubo sa Espiritu Santo nganhi sa atong mga kasingkasing. Sa samang higayon ang Simbahan nagahimaya sa Amahan diha sa iyang pagsimba, pagdayeg, ug pagpasalamat ug nagapangayo kaniya sa gasa sa iyang Anak ug sa Espiritu Santo.

P: Unsa man ang buhat ni Cristo diha sa liturhiya?

T: Diha sa liturhiya sa Simbahan, gitimaan ug  gipa-naa ni Cristo ang iyang kaugalingong misteryo paskuwal. Pinaagi sa paghatag sa Espiritu Santo ngadto sa iyang mga apostoles gitugyan niya kanila ug sa ilang mga sumusunod ang gahom pagpaanaa sa buhat sa kaluwasan pinaagi sa Eyukaristikanhong sakripisyo ug sa mga sakramento, diin siya mismo nagalihok pagpadangat sa iyang grasya ngadto sa mga matuuhon sa tanang panahon ug dapit sa kalibotan. (Cf. Kompendiyo sa Katesismo sa Simbahang Katoliko, 220-222)