“Amen”

P: Unsa man ang kahulogan sa pulong “Amen” nga atong gigamit pagtapos sa pagpadayag sa pagtoo?

T: Ang Hebreo nga pulong “Amen”, nga mao usab ang nagtak-op sa basahon sa Balaan nga Kasulatan, sa uban nga mga pag-ampo sa Bag-o nga Kasabotan, ug sa mga pag-ampo nga liturhikanhon sa Simbahan, nagapadayag sa atong masaligon ug malangkobong “oo” ngadto sa atong gipadayag sa Credo, hingpit nga pagtugyan sa atong kaugalingon ngadto kaniya nga mao ang labing hingpit nga “Amen” (Gipadayag 3:14), si Cristo ang Ginoo.

P: Unsa man ang liturhiya?

T: Ang liturhiya mao ang kasaulogan sa misteryo ni Cristo ilabina sa iyang misteryo paskuwal. Pinaagi sa pagbansay sa parianong opisyo ni Jesukristo ang liturhiya nagapadayag diha sa mga timaan ug nagapatumaw sa pagbalaan sa katawhan. Ang publiko nga pagsimba nga angay gayod sa Dios gihalad sa Lawas nga Mistiko ni Cristo, nga nagpasabot, ang iyang uloo ug mga sakop niini.

P: Unsa man ang luna nga gibatonan sa liturhiya siha sa kinabuhi sa Simbahan?

T: Ang liturhiya, isip nalaan nga lihok sa paagi nga labaw sa tanan, mao ang kinatumyan ngadto diin gipunting ang kalihokan sa Simbahan ug sa samang higayon mao usab ang tuburan diin nagabuhagay ang tanan niyang gahom. Pinaagi sa liturhiya si Cristo nagapadayon sa buhat sa atong katubsanan diha, uban ug pinaagi sa iyang Simbahan. (Cf. Kompediyo sa Katesismo sa Simbahang Katoliko, 217-219)