Reyna sa Kusina, Pangulo sa Katilingban

“Sa akong ginahimo, akong bana nga si Boy ang ginahaguan sa akong pagka-aktibo sulod sa 30 ka tuig, pero suportado gihapon koniya.Maluya man ko kung mupuyo ra ko sa balay.  Gamonitor pud ko sa akong Flores de Mayo students, mga 40 kabuok apil ako nga ponga si Sherman, 10 anyos.”
Nanay Victoria “Toring” Jimenez, 69
Brgy. Malabog,
Paquibato Dist.
Hiyee! Today is a perfect time to celebrate the Catholic Communications Sunday as we share a story from our benefiting community in San Roque Parish, Malabog.

It caught my attention to feature her not just for her name-forgetting Tinolang Manok but to highlight her role as one of ‘the people behind the camera’ in a parish.  Our priests become powerful in the pulpits with tummies nourished by the foods these servants prepare.

Dear KNOT,

Nagsugod ko isip Unit/Group Leader pagbalhin namo diri sa Malabog tuig 1978.

Tulo ka dekada.  Walo ka pari na ang akong naserbisyuhan isip all around ‘convent maid ug cook.’Galabada pa jud ko sauna sa balay sa usa ka sundalo.

Kini nga trabahua nakatabang usab sa pagbuhi sa akong 8 ka anak.  Human ang pipila ka tuig, na appoint pud ko isip usa ka Pangulo sa Katilingban (PSK).

Tungod sa mga responsibilidad, pipila na pud ka beses nga nagpatawag ko ug re-election, apan wa may manungha, mao nang kabubut-on gihapon ni sa Ginoo.  Dili lalim parehas karon nga Sabado, gina-balanse jud nako ang akong oras. Bag-o ra ko gikan sa Kasaulogan sa Pulong sa akong kapilya una ko mianhi aron magluto.

Mahingawa man  sad ko kung muhawa ko inigkahuman sa term  sa usa  ka pari.  Di man pud sila musugot nga muhawa ko.Kung isipon, sa akong edad, pensionada naman jud unta ko.  Apan malipayon gihapon ko sa akong pagpangalagad diri ug sa akong GKK Sta. Cecilia.   –  Nanay Toring

Sa among pakighinabi sa iyang kura paroko, ang  iyang pagkamaabi-abihon ang pinakamaayong pamatasan ang maoy naobserbahan. Salamat Nanay Toring ug sa tanang nagtrabaho sa parokya.

Let us tie that KNOT.  E-mail us at desk@davaocatholicherald.com.  ‘Til next k’wentuhan higala!