Pagtuo Sa Kinabuhing Dayon

P: Unsay gipasabot sa pag-ingon nga mamatay diha ni Cristo Jesus?

T: Ang pagkamatay diha ni Cristo Jesus nagapasabot sa pagkamatay diha sa kahimtang sa grasya sa Dios nga walay sala nga mortal. Ang matuohon ni Cristo, sununod ang iyang panig-ingnan, makausab sa iyang kaugalingong kamatayon ngadto sa usa ka buhat sa pagkamasinugtanon ug paghigugma sa Amahan. “Matuod gayod ang giingon: Kon mamnamatay kita uban kaniya, mabanhaw usab kita uban kaniya” (2 Timoteo 2:11).

P: Unsa man ang kinabuhi nga dayon?

T: Ang kinabuhi nga dayon mao ang kinabuhi nga magsugod gilayon human sa kamatayon. Wala na kini kataposan. Pasiunhan kini alang sa matag tawo sa usa ka tinagsa-tagsa nga hukom diha sa mga kamot ni Cristo nga mao ang Maghuhukom sa m,ga buhi ug sa mga minatay. Kining tinagsa-tagsa nga paghukom dasonan ra unya sa kataposan nga paghukom.

P: Unsa man ang tinagsa-tagsa nga paghukom?

T:  Kini mao ang hukom sa bugti gikan sa Dios nga madawat dayon sa matag tawo diha sa iyang walay-kamatayon nga kalag sibo sa iyang pagtoo ug mga binuhatan. Kini nga bugti nagalangkob ngadto, sa unang bahin, sa pagsulod sa kalipayan sa langit dihadiha dayon o human sa haom nga paghinlo, o sa pikas bahin, pagsulod ba hinuon sa walay-kataposan nga silot sa impyerno. (cf. Kompendiyo sa Katesismo sa Simbahang Katoliko, 206-208)