Langit ug Purgatoryo

P: Unsa man ang gipasabot sa pulong “langit”?

T: Ang “langit” mao kanang kahimtang sa labing hataas ug hingpit nga kalipayan. Sila nga nangamatay diha sa grasya sa Dios ug wala nay panginahanglan sa dugang pang paghinlo tigumon alirong ni Jesus ug Maria, sa mga anghel ug mga santos. Sa ingon, sila ang magalangkob sa Simbahan sa langit, diin masud-ong gayud nilka ang pangway sa Dios (1 Corinto 13:12). Nagapuyo sila diha sa kahiusahan sa gugma uban sa Labing Balaan nga Tri-nidad ug pangaliyupo sila alang kanato.

“Matuod ug malungtaron nga kinabuhi nagalangkob niini: Ang Amahan, pinaagi sa Anak ug sa     Espiritu Santo, mibuhagay sa ilang mga langitnong gasa ngadto sa tnan sa walay pagpinig.            Salamat sa iyang kaluoy, kita usab, sa atong pagkatawo, nakadawat sa dili maagaw nga saad sa        tunhayng kinabuhi.” (SAN CIRILO SA JERUSALEM)

P: Unsa man ang purgatoryo?

T: Ang purgatory mao ang kahimtang niadtong nangamatay diha sa panaghigala sa Dios, nga gipasaligan na sa ilang kaluwasan nga dayon, apan nanginahanglan pa ug paghinlo aron makadayon ngadto sa kalipayan sa langit.

P: Unsaon man nato pagtabang sa mga kalag nga gihinloan pa sa purgatoryo?

T: Tungod sa kahiusahan sa mga santos, ang mga matuohon nga dumuduong pa dinhi sa yuta makatabang sa mga kalag sa purgatory pinaagi sa paghalad og mga pag-ampo alang sa ilang kaayohan, ilabina ang Sakripisyo sa Eyukaristiya. Magatabang usab sila kanila pinaagi sa paglimos, mga indulhensiya, ug mga buhat sa penitensiya. (cf. Kompendiyo sa Katesismo sa Simbahang Katoliko, 209-211)