Bag-ong full-fledged Benedictine Sister gidawat sa kongregasyon

Gikalipay sa Benedictine Sisters of the Eucharistic King ang ilang pagdawat isip full-fledged member si Sr. Mary Lorraine Gumboc, OSB nga mihimo sa iyang perpetual profession of vows.

Si Archbishop Romulo G. Valles ang nangulo sa Santos nga Misa diin gihimo ang perpetual profession of vows didto sa chapel sa Benedictine Sisters didto sa Ulas, Davao City, May 19.

Sa iyang pagpa-ambit, giingon ni Abp. Valles nga “one-time performance” ang maong perpetual profession of vows. Gihimo ni Sr. Gumboc ang perpetual profession of vows of chastity, poverty and obedience atubangan sa ilang mother superior.

Giingon usab ni Abp. Valles nga ang perpetual profession of vows nga nahitabo nagpahinumdom nga gusto sa Ginoo nga maapil ang katawhan sa bangkete nga walay katapusan.

Dugang niya nga pagpahinumdom usab kini sa kamatuoran sa kinabuhi sa pagtoo sa katawhan.