Tahas Sa Pagka-konsagrado

P: Unsaon man pagsalmot diha sa harianong tahas?

T: Ang mga layko nagasalmot diha sa harianon nga tahas ni Cristo tungod kay nakadawat sila gikan

kaniya sa gahom pagbuntog sa sala diha sa ilang kaugalingon ug dinha sa kalibotan pinaagi sa pagdumili

sa kaugalingon og sa kabalaan sa ilang kinabuhi. Gibansay nila ang mga nagkadaiyang ministeryo sa

pagpangalagad sa katilingban ug gilig-on nila uban ang mga mithing moral ang kalibotanong kalihukan

ug mga gambalay sa katilingban.

P: Unsa man ang kinabuhing konsagrado?

T: Ang konsagradong kinabuhi usa ka kahimtang sa kinabuhi nga giila sa simbahan. Usa kini ka

gawasnong tubag ngadto sa usa ka talagsaong tawag gikan ni Cristo, pinaagi niini ang mga konsagrado

mitugyan sa ilang mga kaugalingon sa hingpit nga paagi ngadto sa Dios ug naningkamot pagbaton sa

kahingpitan sa gugma tinukmod sa Espiritu Santo. Gilarawan kini nga konsagrasyon diha sa pagsunod sa

mga ebanghelikanhong talambagan.

P: Unsa man ang mahatag sa konsagradong kinabuhi ngadto sa misyon sa simbahan?

T: Ang konsagradong kinabuhi nagasalmot sa misyon sa simbahan pinaagi sa usa ka hingpit nga

pagtugyan sa kaugalingon ngadto kang Cristo ug ngadto sa kaigsoonan, nga usa ka pagsaksi ngadto sa

paglaom sa gingharian. (Cf. Kompendiyo Sa Katesismo Sa Simbahang Katoliko, 191-193)