Katoliko si Misis, Buddhist si Mister

“Bisan pa man nga wala ko nidako sa akong Mama ug nagpuyo ko uban sa akong Lola diha saTibungco, diha nagsugod kung unsa ang akong pagtuo. Gipadaku ko sa akong Lola nga naa juy Ginoo hangtod sa pagkadalaga nako.  Naninguha ko nga makahuman ko’g eskwela dayon nahimo na nakong panaad nga musimba sa San Pedro Cathedral. Pagkahuman niadto, misalmot pud ko sa Charismatic sa Santa Ana.”

Sis. Bebot Baraca
PPI-San Jose GKK JLA SUBDIVISION
St. Joseph, Parish, Sasa

Hiyee everyone!  Happy Mother’s Day.

In the absence of a biological mother, God somehow gives us another ‘mother’ to grow up with as a child who will introduce us to the faith.  I offer this to all our LOLAs out there who lovingly nurtures each of their Apo to the loving care especially of Jesus and Mary.

Dear KNOT,

Ako usa ka Pangulo sa Pagpahigayon ug Impormasyon kon PPI sa among kapilya.

Una, ako ang nagapahibalo sa among katilingban sa mga impormasyon ug kalihukan nga gikan sa parokya.  Ikaduha, ako sab silang ginapahibalo kung unsa man galing ang mga plano diha sa GKK aron ipaambit ang among pagserbisyo ug mensahe, ug kon unsa pa man ang mga gisabutan sa mga kaubanan sa katilingban, makatabang pud sila sa pagpahigayon ug pagahimuon nga mga social action,ug uban pang kalihukan diha sa kapilya. Sa panahon sa Flores de Mayo, nagasalmot sab ko ana para mag-assist sa mga bata.  Kada fiesta, grabe ang preparasyon, pag Novena aron mahapsay ang tanan matag gabie alang sa ikapanindot niini.

Ang akong bana Buddhist ug tulo ang akong mga anak. Kini ang pinakadakong hagit nga akong naagian kay unsaon nalang nako ni sila padak-on nga managlahi man ang among relihiyon.

Apan, diha samot nga nilambo ug nilawom ang akong pagtuo. Bisag unsa man ang akong gikinahanglan, nag-ampo ko matag gabie, ug nastrengthened ang akong faith sa Ginoo.  Siya g’yud ang nagtabang sa ako bisag unsang mga pagsulay sa akong mga anak nga miabot sa ilang pagka-teenager. Lisud sila dad-on sa Simbahan apan ako gayung giampuan.

Karon, ang akong kamaguwangan, nakahuman sa iyang kurso nga medisina.  Kalooy sa Ginoo, nakaminyo siya ug nindot ang pundasyon sa iyang pamilya karon.  Aduna na siyay anak.   Dungan pud sila sa pagsimba.  Kana gayud nagapakita kung unsa man ang imong gitanom, ila pud patubuon ug pauswagon.

Ang akong lalake nga ikaduha bisan dili kaayu siya involved sa kalihukan pero nakahuman pud siyag eskwela.  Dayon ning akong kinamanghuran, hapit na mu-graduate. Aktibo pud siya sa mga kalihukan sa parokya ilabi na gyud sa mga kabatan-onan.

Ako nang gihalad sa Ginoo ang tanan pinaagi sa among pagserbisyo sa katilingban. Sama na lang sa pagattend sa mga meetings ug seminars sa parokya ug diha nako nakita ang tinood na kahayag pinaagi sa iyang mga bulawanong pulong sa Bibliya. Ang akong ikasulti bisan sa akong mga igsuon, kung unsa man ang ilang problema, tuo lang ta sa Ginoo. Tama man ang gisulti sa Bibliya nga mutawag lang ka niya kay iya kining ituman sa ubay-ubay nga paagi hilabina sa panahon karon nga dili nato mahibaw-an ang kalamidad, ato gyud lig-ono nang pagsalig kaniya.  Hindi natutulog ang Dios. – Bebot

Let us tie that KNOT.  Send us your e-mail via desk@davaocatholicherald.com.  Text us with your comments or suggestions at 0930-1193732.  Follow us on Twitter @dcherald and @ChengVilog.  ‘Til next k’wentuhan higala.