HAMTONG SUPORTADO ANG BATAN-ON

Importante ang pagsinabtanay sa mga batan-on ug  mga hamtong diha sa kapilya.  Ang istorya ni Lorna makadasig hilabi na sa mga bag-o pa lang midawat sa katungdanan isip PSB.

Lorna Ganzon, Pangulo sa Batan-on
16  years old
Incoming Holy Cross College of Calinan
Education student

DC Herald: Asa gikan ang imong kadasig nga mag PSB?

Lorna:        Bata pa lang ko, always na ko nagauban sa akong mama nga magsimba.  Wala pa jud ko kasabot ngano magsimba.  Curious kaayo ko unsa ilang ginabuhat.  Later on, naa kuy friend nga youth leader, giagni ko niya, human nakaamgo ko nga, “Ah , ing-ani diay ang batan-on, dapat mag-alagad sa GKK.”

One time, member pa ko ato, gadalaga ko, didto nako na-feel ang advantage kay naa man mi bible sharing.  Mao na nga gashare-share mi pag naay trials.  Third year high school ko, giagni ko nga mahimo ug PSB.  First wala nisugot si Mama ug Papa kay daku daw nga responsibilidad.  Pero karon supportive na sila kay kursunada man jud ko.

DCH:          Unsa man ang imong panghinaut sa imong isigka- batan-on dinhi?

Lorna:        Gusto nako ma-intact ang mga kabatan-onan sa among GKK sa hinay hinay ug gamay man nga pamaagi.  Last time, nag vigil mi diri sa Summer Youth Camp katong April 24.  Medyo daghan mi sobra 50.    Nakulbaan ko kung naa bay muabot kay sa pikas zone, gamay ra gyud ang youth.  Basig sa akong GKK, mas gamay.  Pero pag abot  sa vigil, daghan diay, tabang sila ug hugas, hinlo.

DCH:  Unsa kalisud ang mahimong PSB sa ing-ani kalagyo nga dapit?

Lisud mahimong PSB aning lugara, lisud kaayo kay ma-discourage sila sa kalayo.  Mamasahe pa n’ya wala silay kwarta. Pag abot diri, gipaningot na.  Mao na gitabangan na lang mi sa mga katigulangan.

DCH:  Nganong importante man ang suporta sa mga hamtong?

Importante ang katigulangan, kay everytime mangayo mig budget walay yawyaw.  Unsay among problema dinhi, ginatabangan mi.  Pag naa silay giluto, ginaagni mi, “Dali kaon mo.”

Busa ang mensahe nako sa mga batan-on, dili pa huli ang tanan…dili man ta pugson. Pamalandungi karon ang pagserbiryo samtang youth pa ta . Musunuray ta sa mga katigulangan.  Ayaw kawala ug pag-asa, muhimo g’yud ang Ginoo ug paraan aron mahibalik ta.