Dugo Mo, Kinabuhi Ko! Kinabuhi Mo, dugo Ko!

Unang higayon nga nagkatimbayayong ang Parokya sa San Antonio de Padua ug ang Department of  Health (DOH) sa BLOODLETTING PROGRAM, ubos sa tema “Dugo Mo, Kinabuhi Ko! Kinabuhi Mo, Dugo ko!” niadtong Mayo 4, 2014, 7:00 a.m .- 1:30 p.m., nga gipahigayon sa Holy Cross of Agdao Gym malampuson!

Adunay 190 nga maisogon ug madasigon nga mga parokyano ug lideres sa San Antonio ang mipalista aron mo donar og dugo, apan 138 lamang ang mipasar tungod sa mga gagmayng’ kakulian.

Luyo niini malipayon ang tanan ug mas nadasig pa ang mga nagpaluyo sa maong kalihukan ilabi na ang Kura Paruko Reberendo Padre Leonie H. España, DCD kay tungod nakita nila ang maayong tubag sa mga parokyano ug lideres, tuod man aduna pay mga ning apas ug namugos nga magpakuha og dugo maong nadungan pa ang oras sa paghuman sa maong programa.

Gidayeg ni Ma’am Judy Ann Nengasca, RMTIII  nga taga DOH ang malampusong Bloodletting Program ug mas gihagit pa niya ang mga nagpaluyo niining programa nga sa sunod dapat mas daghan pa ang mo donar.