Debosyon Kang Maria Birhen

P: Giunsa man ni Maria nga Birhen pagtabang sa Simbahan?

T: Human sa Pagsaka sa Langit sa iyang Anak, si Maria nga Birhen mitabang sa sinugdanan sa Simbahan sa iyang mga pag-ampo. Bisan human sa Pagpasaka kaniya sa Langit mipadayon siya pagpangaliya sa iyang mga anak, pagkahimong panig-ingnan sa pagtoo ug sa gugma alang sa tanan, ug pagpatagamtam kanila sa makaayong pag-agni nga naggikan sa naghingapin nga mga merito ni Cristo. Giila sa mga matuohon si Maria nianang larawan ug kalaoman sa pagkabanhaw nga nagahulat kanila ug sila nagasangpit kaniya isip manlalaban, magtatabang, tighatag ug kaayohan, ug tigpataliwa.

P: Unsa man ang matang sa debosyon ang gipahinungod ngadto sa balaang Birhen?

T: Kini usa ka ulusahon nga matang sa debosyon nga lahi gikan sa balansayon sa pagsimba nga gihatag

lamang ngadto sa Labing Balaan nga Trinidad. Kining talagsaon nga pagpasidungog nga gitumong ngadto

kang Maria nahatagan og linain nga pagpahayag diha sa liturhikanhong mga pangilin nga gipahinungod

sa Inahan sa Dios ug sa mga Marianhon nga mga pag-ampo sama sa balaan nga Rosaryo, nga

kompendiyo sa tibuok Ebanghelyo.

P: Sa unsa man nga paagi ang Bulahang Birhen usa ka eskatolohikanhong larawan sa Simbahan?

T: Sa pagsud-ong kang Maria, nga hingpit nga balaan ug gihimaya na sa lawas ug kalag, nakita sa Simbahan diha kaniya unsay iyang bokasyon dinhi sa yuta, ug unsay iyang dangatan didto sa puluy-anan sa langit. (Cf. Kompendiyo sa Katesismo sa Simbahang Katoliko, 197-199)