‘A CATECHIST IS A WALKING BIBLE’

Dili lalim ang magtudlo.  Ang usa ka bulan nga pakig uban sa mga bata ginapangandaman gayud sugod sa Catechists’ seminar hangtud sa Culmination niini.  Atong ila-ilahon ang usa ka pinakabatang PSP sa Calinan.

Barbie Villanueva, Pangulo sa Pagpanudlo (PSP)
Incoming IT student
16 years old

DCH:   Nganong nag katekista man ka?

Barbie:       Fifteen (15) years old pa lang ko nagseminar na ko.  Nice man gud mag-serve sa Simbahan, kesa sa lain ka mag active. Estudyante pud ko sa una, 9 years old hangtud 13.  After 4 years,  1st time nako mutudlo kauban ang usa pa ka hamtong.

DCH:          Dili ba kini lisud alang kanimo?

Barbie:       Sa schedule, time management lang gyud.  Siyempre, gahinan jud nako ug time.  Dili man sad mawala nga naay mga sipat ug badlongon pero sure ko malingaw man ko.  Lahi na karon, ako na ang nagatudlo.

DCH:          A catechist is always a catechist daw.  Unsa may masulti nimo ani?

Barbie:       A catechist is a walking bible, maskin asa man ko, p’wede ko makasangyaw.

DCH:          Unsay may benepisyo nga makuha kon makahuman sa Flores de Mayo?

Barbie:       Makaila nila si Mama Mary ug si God.  Daghan pug ma-gain nga friends ug information nga ma-share sa uban like sa ilang mga manghud.

Ang mga istorya nga atong nabasa, nagpamatuod lamang nga buhi ang atong mga kapilya tungod usab sa panabang sa mga layko gikan sa batan-on hangtud sa mga hamtung.