ANG SAKIT NAHIMONG BLESSING

Vicente Gudelos, 57
Pangulo sa Liturhiya

Daghan sa mga kapilya dinhi sa Archdiocese, Sabado ginapahigayon ang Kasaulogan sa Pulong (KSP). Aktibo si Tatay Vicente Gudelos sa pagpangamdan niini kada Domingo. Sa mga lagyong dapit sama sa Wangan, Calinan, didto nako nahibaw-an nga mas daghan diay ngaDominggo sa buntag ang ilang Kasaulogan ug ang uban adunay Holy Communion nga ginapahigayon sulod niini matag unang Dominggo sa bulan.   Usa sa sakripisyo sa mga PSLs didto mao ang pag vigil nila sa parokya Sabado sa gabii una pa man ihatud ang Holy Hosts sa kapilya.

Pipila pud ka tuig ang milabay sukad nga miundang si Tatay Vicente isip usa ka PSL tungod sa trabaho.  Apan nahiaguman niya nga lahi ra ang magsilbi sa GKK kumpara sa wala.  Ubay-ubay sab nga problema sa pamilya ang iyang giatubang sa dihang miundang siya.  Ug ang pinakalisud sa tanan, duha ka tuig siyang wa katindog tungod sa usa ka balatian.  Busa, nangayo siya ug usa pa ka higayon sa Ginoo.  Ang iyang pagsilbi ug balik karon maoy testimoniya nga ang iyang pag-ampo gidungog sa langit.

Dili mabayran ang iyang kalipay nga gibati ug madasigon gihapon siya hangtud karon bisan sa kalayo sa ilang pulu-anan sa kapilyang iyang ginasilbihan.