Blessed John Paul II Parish, makigduyog sa canonization sa duha ka santos

Sa umaabot nga canonization ni Blessed John Paul II ug Blessed John XXIII karong Abril 27, ang mga parokyano sa Blessed John Paul II Parish sa Los Amigos, Calinan magtapok sa parish grounds aron mag-ampo sa Santos nga Rosaryo tibuok adlaw samtang nagahulat sa canonization rites nga pangulohan ni Pope Francis didto sa Vatican.

Aduna usab large screen nga itaod aron makakita ang kadaghanan sa mga tawo nga mutambong sa maong kalihukan sa parokya nga kasamtangang anaa sa pag-atiman sa kura paroko nga si Fr. Pedro Maniwang.

Sumala ni Fr. Maniwang, tapuson nila ang tibuok nga kasaulogan pinaagi sa panihapon nga tambongan gihapon sa mga parokyano sa mahimong Saint John Paul II Parish.