Ang Kinabuhi sa mga Layko diha sa Simbahan Layko gitawag sa Kabalaan

Pag-ampo sa Layko sa Kabalaan

Ginhawa diri kanako. O Espiritu Santo, nga ang akong hunahuna mamahimong balaan. Lihok diri kanako, O Espiritu Santo, nga ang akong gimbuhaton usab mamahimong balaan. Kudlita ang akong kasingkasing, O Espiritu Santo, nga akong  gihigugma lamang unsa ang balaan. Lig-ona ako, O Espiritu Santo, sa pagpanalipod sa tanang balaan. Bantayan mo ako, O Espiritu Santo nga ako kanunay balaan. Amen.

PAGKAT-ON SA KASINATIAN

Niining ikaduha nga tuig sa atong pagpangandam, naglantaw kita sa umaabot uban ang pagpasalamat ug kalipay ngadto sa Marso 16, 2021 ang ika-500 nga anibersaryo (1521-2021) sa pag-anhi sa Simbahang Katoliko aron ma-Kristiyano ang atong nasud. Ato usab tan-awon ang “agenda” sa atong “New Evangelization” sa Pilipinas diin giniyahan kini sa tema: Puy-an si Cristo, Ipaambit si Cristo”.  Sa atong mga gipahgayon nga kongkretong kalihukan niining New Evangelization kinahanglan atong tutokan ang mga gikinahanglan sa tulo (3) ka mga importanteng mga elemento alang sa mga paningkamot sa pagsangyaw aron kini mabungahon.

Una, ang pagpa-sentro sa Yukaristiya. Kay ang liturhiya mao man ang kinauyokan diin ang mga kalihukan sa Simbahan nagiyahan. Diha sa Yukaristiya, ang grasya gibubo kanato ug nag-uban kanato sa tanan natong paningkamot sa pagsangyaw.

Ikaduha, ang pagkinahaglan sa Pag-ampo. Nagatoo kita sa Espiritu Santo nga pinaka-una nga “agent of evangelization”. Ang matag magsasangyaw magiyahan sa Espiritu Santo, bisan sa pagsangyaw ni Cristo sa Gingharian sa Dios ang Espiritu Santo nagauban. Pinaagi sa pag-ampo, maantigo kitang mamati sa Espiritu Santo ug pinaagi Kaniya nagatawag kita sa Amahan. Sa atong kahimtang, ang pagkamaampoon sa mga Pilipino ginapakita diha   sa   mga “relgious  devotion  and practices” – pinaagi  sa  “popular religiosity ug piety”. Gitawag kita sa pagpadasig pag-usab sa atong espiritu ug pagkinabuhi diha sa pag-ampo ug magpatunhay sa pagbag-o sa “popular relgiosity ug piety” sa lain-lain nga porma ug pagbuhat.

(Ipadayon sa musunod nga isyu)