Ang Kinabuhi sa mga Layko diha sa Simbahan

Layko gitawag sa Kabalaan
Pag-ampo sa Layko sa Kabalaan
(Part 2 of 3)

 Ikatulo, ang kinahanglanon nga “Conversion” (Pagbag-o). Ang panaw sa pagka-dispul ni Cristo nagsugod diha sa kabag-ohan, l”deep metanoia”, pagbag-o sa hunahuna ug kasingkasing. Ang pagbag-o sa pagkatinun-an magdala sa pagsugid og estorya mahitungod kang Jesus nga nakakita kaniya, nakabati Kaniya, ug natandog Niya ang kinahiladman sa kasingkasing. Si Jesus ang Ginoo sa Kalooy nga walay pagsangyaw nga mahitabo kon walay kabag-ohan. Pagbag-o ug tuohi ang ebanghelyo. Niining tawag sa pagbag-o ug pagsangyaw, kita motubag sa tawag sa Espiritu alang sa Nabagong Pagsangyaw pinaagi sa pagtutok sa siyam (9) sa “Nine Pastoral Priorities “ sa Simbahan sa Pilipinas nga mao ang mga tema sa siyam ka tuig nga pagpangandam ngadto na sa pagsaulog ug pagpasalamat sa pagka-Kristiyano sa atong nasud:

2013 –  Tuig sa Malukpanong Pormasyon sa Pagtoo:

2014 –  Tuig sa mga Layko

2015 –  Tuig sa mga Kabus

2016  – Tuig sa Yukaristiya ug Kinabuhi sa Pamilya

2017- Tuig sa Parokya nga Katilingban sa mga Katilingban

2018  – Tuig sa Kaparian ug Relihiyoso

2019  – Tuig sa mga Batan-on

2020 – Tuig sa Ecumenism ug Inter-Religious Dialogue

2021 – Tuig sa Missio ad Gentes

Niadtong miaging tuig 2013 mao ang tuig sa malukpanong pormasyon sa mga layko atol usab sa pagsaulog sa Katolikong Simbahan sa kalibutan sa Tuig sa Pagtoo. Karong 2014 mao ang Tuig sa mga Layko diin nagpadayon kita sa pagtuon sa atong pagtoo diha sa “Catechism of the Catholic Church” ug sa atong mga buluhaton  sa mga layko diha sa Simbahan ug katilingban.Sa atong katekesis magiyahan kita sa atong pamalandong: Layko Gitawag sa Pagka-Balaan, Gipadala isip mga Santos.

PAGKAT-ON SA PAGTOO

Sigon ni Archbishop Socrates Villegas, ang Tuig sa Layko (Disyembre 2013-Nobyembre 2014) usa ka parte sa pagpangandam alang sa ika-500 nga anibersaryo sa unang Misa ug bunyag dinhi sa atong nasud.

Si Pope Francis sa iyang homiliya sa mga batan-on nag-awhag kanila: “Panlakaw, dili mahadlok ug mag-alagad”. Kini nga mga bulawanong pulong nagsugyot kon unsa ang buhaton, “Pagkanta sa Ginoo og bag-ong awit (Salmo 95:1) Unsa ang bag-ong awit? Dili kini nagsangkap sa mga pulong,dili siya usa ka “melody”, apan usa kini ka kanta sa imong kinabuhi, mao kini ang awit sa atong kinabuhi, gitugutan nato ang atong kaugalingon nga maila si Jesus, usa kini ka pagpaaambit sa sentimento, sa hunahuna ug mga lihok (WYD 2013, Brazil).

Ang Tuig sa mga Layko usa ka panahon sa bag-ong awit uban sa mga batan-on, sa mga kabus, apil ang tanang katoliko natong mga kaigsoonan nga wala na nangilabot sa simbahan ug nawad-an na og paglaum diha sa pagtoo. Magtawag kita sa matag-usa sa pagbag-o sa pagtoo pinaagi sa pagdugang og lihok sa pagpuyo sa mga sakramento diha bunyag ug kompirma. Gusto nato nga atong usbon ang mga bili sa pagsaksi sa pagtoo nga gipadala isip mga “holy heroes”, martir o santos. Si Mama Maria ang atong modelo sa pagpuyo sa atong pagtoo uban sa panig-ingnan usab ni San Lorenzo Ruiz ug San Pedro Calungsod sa atong mga laykong Pilipino nga santos.

Sa mensahe usab ni Bishop Jesse Mercado nga  nagkanayon: Ang katekesis alang sa mga layko niining tuiga makadasig kanato sa pagtuman sa atong tawag sa Simbahan, sa pagsaulog sa mga sakramento ug sa inadlaw-adlaw’ng natong kinabuhi. “Sa kahayag sa tawag sa Dios kanato, Iyang gipaambit kanato ang mga pulong ni Pope Francis” “Ikaw ang gasa ug bahandi diha sa Simbahan!. Magmakanunayon sa pag-ambit sa gahum sa Ebanghelyo! Dili magkahadlok! Kanunay nga mobati og kalipay ug kaikag alang sa kahiusahan sa Simbahan!