Year of Faith Formation nagpadayon

Bisan pa nahuman na ang pagsaulog sa Tuig sa Pagtoo, nagpadayon gihapon ang pormasyon sa mga parokyano sa Sta. Ana Parish mahitungod sa Katolikong Pagtoo.

Giniyahan sa Year of Faith Module, nakakat-on ang mga layko mahitungod sa 12 Articles of Faith pinaagi sa ilang pormasyon matag Lunes hangtud Miyerkules sa gabii.

Sumala sa GKK Coordinator nga si Rey Secuya,  ginasuroy nila ang unom ka zona aron himoon ang formation mahitungod sa Year of Faith.

Dugang pa niya nga gihatan usab og pagtagad sa maong pormasyon ang pagpasabot mahitungod sa Catechism of the Catholic Church (CCC).

Gilauman usab nila nga mas mapalawom pa sa katawhan ang ilang pagsabot sa ilang pagtoo ilabi na nga pipila sa mga mi-agi sa pormasyon mao ang mga lideres sa matag GKK.

Giingon usab sa GKK Coordinator nga hinay-hinay ang pamaagi sa pagpasabot mahitungod sa 12 Articles of Faith. Sa matag schedule sa pagbisita, upat ka articles of faith ang ginahatagan og pagtagad. Gitunga usab ang mga mutambong sa pipila ka batch aron mas hapsay ang proseso sa pormasyon.