Simbahang Apostolikanhon

P: Unsa man ang apostolikanhong kutay?

T:Ang apostolikanhong kutay mao ang pagpadangat pinaagi sa sakramento sa mga Balaan nga Orden sa misyon ug gahom sa mga Apostoles ngadto sa ilang mga sumusunod, ang mga Obispo. Gumikan niining pagpadangat ang Simbahan nagapabilin diha sa pagkahiusa sa pagtoo ug sa kinabuhi uban sa iyang gigikanan, samtang latas sa mga gatosang katuigan nagapadayon siya sa iyang apostolado pagsabwag sa Gingharian ni Cristo dinhi sa yuta.

P: Kinsa man ang mga matuohon?

T: Ang mga matuohong Kristiyano mao kadto sila, nga sanglit nahiusa diha ni Cristo pinaagi sa Bunyag, natukod isip katawhan sa Dios; tungod niini. Kay sa ilang kaugalingong paagi nakaambit na man sila sa parianon, propetanhon ug harianong buhat ni Cristo, gitawag sila pagtumaqn sa misyon nga gisangon sa Dios ngadto sa Simbahan. Anaay tinuod nga panagsama sa kahalangdon dinha kanila isip mga anak sa Dios.

P: Giunsa man pag-umol ang katawhan sa Dios?

T: Diha sa mga matuohon pinaagi sa diosnong katukuran adunay mga balaang alagad nga nakadawat sa Sakramento sa mga Balaang Orden ug nagalangkob sa herarkiya sa Simbahan. Ang uban nga mga sakop sa Simbahan  gitawag og mga layko. Sa herarkiya ingon man sa layko anaay pipila ka mga matuohon nga nakonsagrahan sa  talagsaong paagi ngadto sa Dios pinaagi sa panaad sa pagpuyo sa mga ebanghelikanhong talambagan: sa kaputli o selibasiya, sa kakabos ug kamasinugtanon.

(Cf. Kompendiyo sa Katekismo sa Simbahang Katoliko, 176-178)