Obispo sa Mati magsaulog sa ika-50 tuig sa pagkapari

Saulogon ni Bishop Patricio H. Alo ang iyang ika-50 nga tuig sa pagka-pari  karong ika-14 sa Marso.

Pinaagi sa Santos nga Misa saulogon ni Bishop Alo ang iyang golden jubilee sa pagka-pari sa San Nicolas de Tolentino, Mati City.

Gipili ni Bp. Alo ang tema nga: “By the grace of God I am what I am”… (1 Cor. 15:10)

Gi-ordinahan sa St. Peter’s Basilica sa Rome, Italy, si kanhing Obispo sa Cebu nga si Julio Cardinal Rosales ang ordaining prelate ni Bishop Alo. Kauban sa maong ordinasyon ang kanhing Arsobispo sa Manila nga si Rufino Cardinal Santos.

Sumala ni Bp. Alo, siya ang unang Filipino nga nagtuon sa Colegio Filipino Seminary sa Roma nga gi-ordinahan. Human sa iyang ordinasyon, gitapos ni Bp. Alo ang iyang doctorate in Sacred Theology sa Angelicum University sa Roma.

Sa pakighinabi sa DCHerald kay Bp. Alo, giingon niya nga ang iyang inahan nga si Dolores Hacbang maoy nagtisok sa liso sa bokasyon sa pagkapari sa iyang kasing-kasing. Si Mrs. Hacbang usab ang manghod ni Bp. Sofronio Hacbang, nga Obispo kaniadto sa Diocese of Calbayog nga sakop ang Samar ug Leyte. (Sr. Marietta Alo, OND & John Frances Fuentes)