LCCP Makadasig ug Makapabuhi sa Pagtoo sa Dios

Makabuhi, makahuluganon ug makadugang sa pagtoo.

Mao kini ang mensahe sa Arsobispo sa Dabaw si Abp. Romulo Valles sa tanang Lectors, Commentators, Cantors ug Psalmists (LCCP) sa Archdiocese sa Dabaw niadtong Marso 1, diin gipahigayon ang annual convention sa UIC Gym, Bajada, subay sa Tema nga: “Laity …in the Word and Music in the Liturgy”.

Sa iyang homiliya, si Abp. Valles naghatag ug rason ngano importante ang mga Layko sa Simbahan, Una ang pagserbisyo sa mga layko ang makahatag og kinabuhi, makahuluganon ug makadugang sa patay nga pagtoo, kini nagpasabot ang matag tuig, tuig sa mga Layko.

Ikaduha,  ang gugma sa katawhan sa simbahan makita sa  personal (realidad) ug sila nga mga pari, naka-ginansya niini, tungod sa pagserbisyo o paghigugma sa Simbahan sa mga layko. Sila madasigon sa ilang pagtuo ug ilang panaw isip usa ka pari.

Ikatulo, ang ka-importante sa mga layko diha sa Eukaristiya nga atong handumon ang mga buhat ni Kristo. Makita diha sa unang bahin sa Santos nga Misa ang pulong sa Ginoo,diin ang Dios nagsulti kanato sa mga maayong buhat.

Sa katapusan gi-awhag ni Abp Valles ang tanan ilabina ang lectors ug cantors nga hatagan og importansya ang atong kalambigitan diha sa Simbahan. Ang pag-ampo sa Liturhiya usa ka maanindot nga grasya, kung adunay pagtuki sa Pulong sa Ginoo.(B.Baron)