Kalakbay team nagpahigayon og writing workshop

Human sa malampusong newswriting workshop nga ilang gipahigayon niadtong milabay’ng tuig, ang mga kabatan-onan sa Kalakbay Newsletter sa Davao Archdiocesan Youth Coordinating Apostolate (DAYCA) nagpahigayon og follow-up training alang sa ilang mga writers.

Ang feature writing workshop gihimo sa parish hall sa Sacred Heart of Jesus Parish, Obrero niadtong Pebrero 23 kauban ang ilang resource speaker nga si Niño Calamba nga usa ka lifestyle writer sa usa sa mga mantalaan sa Dabaw.

Kapin 30 ka mga batan-on ang mitambong sa maong workshop diin nakakat-on sila sa mga basic tips sa pagsulat og feature stories nga angay ibutang sa ilang binulan nga publication nga kasamtangang supplement page sa DCHerald.

Kabahin usab sa maong workshop ang pagpadagan og survey aron mahibaw-an ang mga kinahanglan makita sa ilang monthly issue ug mga gigamit nga medium sa mga kabatan-onan aron sila makahibalo sa mga balita ug panghitabo sa palibot sama sa TV, radio, newspaper ug internet.

Gilauman sa mga editors sa Kalakbay nga mapalambo nila ang ilang binulan nga publication aron mas makab-ot pa ang mga kabatan-onan sa Archdiocese of Davao.