Archbishop Valles gipasidunggan ang mga layko sa DADITAMA

Gipasidunggan sa Arsobispo sa Dabaw ang mga layko nga lumilihok sa ecclesiastical subregion sa Davao, Digos, Tagum ug Mati (DADITAMA).

Sa ilang unang higayon karong tuiga sa quarterly DADITAMA meeting didto sa Beaterio de Mindanao sa Juna Subdivision, Davao City, niadtong Marso 3 ug 4, giingon ni Abp. Valles sa iyang pagpadayag isip pagtapos sa meeting nga dakong garbo nga mahimong lumilihok nga layko sa DADITAMA kauban ang mga kaparian ug mga obispo.

“Taas-noo kita nga taga-DADITAMA kita,” matud pa ni Abp. Valles.

Gipasidunggan usab niya ang mga milabay’ng mga tuig nga gihimo ang aktibong DADITAMA meeting matag upat ka higayon sa usa ka tuig.

“What a blessing to be here. We are not starting zero. We have a wealth of experiences,” sumala niya.

Giingon usab niya nga sa mga nahitabo sa milabay’ng tuig, angay tan-awon kini isip ‘half-full glass’ ug dili ‘half-empty glass’.

“We should be confident in our past. Let us trust in the way we do things. Let us trust in the collective trust of DADITAMA,” sumala ni Abp. Valles.