Ang Dignidad ug Misyon sa Mga Layko “Ganito Noon; Paano Ngayon?”

KANIADTO 

1.   Hain gikan ang pulong “Layko”?

a.   Ang pulong “layko” (laity sa English) maoy atong hubad sa Griyegong pulong laikos. Dili nato makita ug mabasa sa Bibliya ang pulong “laikos”. Aduna hinuoy pulong laos nga nagkahulugan og “katawhan” (ang kinatibuk-an gayud nga linya niini Laos thou Theou – Katawhan sa Dios).

b.   Sa Daang Tugon, ang Israel gitawag nga “Katawhan sa Dios”. Sila gipili sa Dios aron maiya ug gihatagan ug misyon alang sa kaluwasan sa tanan. Naghimo’g kasabutn ang Dios tali kaniya ug sa Israel ug mibalaan niining maong katawhan aron sa ilang pagkamakanunayon ngadto sa kasabutan madawat nila ug sa uban ang kaluwasan. Apan wala natuman sa Israel ang iyang misyon alang sa iyang kaugalingon ug sa tanang katawhan.

c.   Ang Bag-ong Tugon usab naghisgot mahitungod sa Katawhan sa Dios pinaagi sa bag-ong kasabutan diha ni Hesukristo – ang Simbahan o ang espirituhanong Israel. Kining maong Katawhan sa Dios gipili ug gibalaan usab sa Dios (cf. 1 Pet. 2:10). Ang Katawhan sa Dios sa bag-ong kasabutan nakadawat gikan sa Espiritu Santo sa daghang mga gasa. Kining maong mga gasa nagdala ug katungdanan alang sa pagpabarog ug pagpalig-on sa Kristohanong Katilingban aron mapaabot sa tanan ang Diosnong kaluwasan. (Ipadayon sa sunod isyu)

(Ikaduhang Bahin/Giandam ni Fr. Ronald Lunas)