Ang Dignidad ug Misyon sa Mga Layko “Ganito Noon; Paano Ngayon?”

Karong tuiga, 2014, gideklarar sa Kaobispohan sa Pilipinas nga Tuig sa mga Layko. Ang tema sa kasaulogan: CHOOSE TO BE BRAVE: CALLED TO BE SAINTS; SENT FORTH AS HEROES. Kini kabahin sa siyam ka tuig nga pagpangandam alang sa ika 500 nga tuig-kasumaran sa pag-abot sa Kristiyanismo dinhi sa atong kapuluan: Alang sa tuig 2013, atong gisaulog ang Tuig sa Pagtoo nga gihatag kanato sa kanhing Papa Benedicto XVI. Ang tuig 2014 mao ang TUIG SA MGA LAYKO.

Mamahimo unta kining tuiga nga okasyon sa kasayoran ug pagpamalandong mahitungod sa pagka-layko. Ug alang sa mga layko mismo, mas mapuy-an pa unta nila ang ilang bokasyon ug mas mabuhat usab nila ang ilang misyon. Kay kini ang hagit sa mga kaobispohan gamit ang mga pulong ni Papa Francisco: Buot namong hagiton kamong “mga binunyagan kansang kinabuhi wala nagpadayag sa gipangayo sa Bunyag”, nga kulang sa makahuluganong kalambigitan sa Simbahan ug wala makasinati sa kalipay nga dala sa pagtoo. Ang Simbahan, sa iyang inahanong pagpakabana, naningkamot sa pagtabang kanila sa pagsinati sa kabag-ohan nga mopasig-uli sa kalipay sa pagtoo ngadto sa ilang kasingkasing ug modasig sa pagtugyan sa kaugalingon ngadto sa ebanghelyo (Evangelii Gaudium, 15).

Ang mosunod nga hisgutanan tabang diha sa pagpaningkamot nga mas mailhan pa ug mas masabtan ang kinabuhi sa mga layko. Dinhi, tan-awon diha sa kasaysayan ang pagka-layko. Ingon niini kaniadto! Naunsa na ang karon? (Ipadayon sa sunod isyu)

(Giandam ni Fr. Ronald Lunas)