7th LCCP Convention gipahigayon

Gisaulog sa Lectors, Commentators, Cantors and Psalmists (LCCP) ang ilang ika-7 tuig nga convention, Marso 1.

Subay sa tema nga “Laity… in the Word and Music in the Liturgy” gipahigayon ang convention didto sa UIC Gym, Bajada kauban si Abp. Romulo G. Valles isip presider sa Santos nga Misa. Si Abp. Valles inila isip usa ka eksperto sa Liturgy.

Gitambongan ang maong panagtapok sa pito (7) ka vicariates sa Archdiocese of Davao ug mga LCCP sa Catholic schools sa Davao.

Ang usa sa mga professor/formator sa St. Francis Xavier Regional Major Seminary nga si Fr. Henry Escasinas ang nagsilbing guest speaker mahitungod sa ‘Bible in the Liturgy’. Ang Chancellor sa Archdiocese of Davao nga si Msgr. Jaime Gamboa usab naghatag sa iyang pagpaambit mahitungod sa ‘Music in the Liturgy’.

Ang director sa Archdiocesan Liturgical Center nga si Fr. Joel Caasi nga maoy nagpahigayon sa convention nagpaabot sa iyang pasalamat kay Abp. Romulo G. Valles ug sa mga kaparian ug mga layko nga nahimong kabahin sa malampuson nga convention sa mga LCCP.