Recollection sa mga Lideres gisugdan na

Padayon nga ginasaulog ang annual recollection alang sa mga lideres sa Virgen delos Remedios Parish sa Toril ning dakbayan.

Gisugdan kini niadtong Pebrero 15 ug matapos kini karong Marso 22 ning tuiga.

Ang maong rekoleksiyon gisalmotan sa saysenta’y kwatro ka mga lideres sa GKK nga mao ang mga Pangulo sa Alagad kon PSA, Pangulo sa Liturhiya kon PSL, Pangulo sa Batan-on kon PSB, mga katekista, apil sab ang mga secretary ug treasurer sa maong parokya.

Ang tumong niini mao ang pagpangandam sa mahitabong “sending forth” sa mga myembro sa maong parokya karong Easter season.

Kabahin sab dinhi ang preparasyon sa mahitabong eleksiyon sulod sa ilahang parokya.

Ang maong katikaran gipahigayon sa Virgen delos Remedios Parish sugod alas 8 sa buntag hangtod alas 5 sa hapon.

Lakip sab sa maong kalihokan ang pagpangumpisal sa mga misalmot.

Sa laing bahin, magpahigayon og GKK Day ang maong parokya karong umaabot nga Marso 14 ning tuiga nga adunay programa sama sa sports fest nga sugdan human sa misa sa alas 9 sa buntag.