Parish Soccom nagtuon sa pagbalita

Ang parish social communication apostolate team sa San Isidro Labrador Parish, Catalunan Grande nagtuon sa pamaagi sa pagsulat og balita sa mga katikaran sa parokya.

Niadtong Pebrero 2 ug 8 sa parish hall, gipatigayon ang orientation ug training alang sa mga social communication kon Pangulo sa Pagpatigayon sa Impormasyon (PPI).

Gitun-an nila ang pamaagi sa Davao Catholic Herald sa paghimo og balita nga giniyahan sa  mga pagtulon-an sa Simbahan ug kung unsa ang mga klase sa mga panghitabo nga angay mahimong kabahin sa mantalaan.

Gihimo usab ang maong training ug orientation aron mapalambo nila ang ilang parish bulletin o mantalaan nga nagasaysay sa mga panghitabo sa mga GKK ug sa tibuok parokya sa San Isidro Labrador .

Gipakita usab sa mga PPI ang kasaysayan sa print media apostolate sa Archdiocese of Davao ug unsa ang mga kalisdanan ug pamaagi sa paglambo niini sulod sa 62 ka tuig.

Nanghinaut ang tibuok parokya nga mapalambo pa sa mga PPI ang ilang apostolado ilabi na nga nagsaulog sila sa ilang unang anibersaryo sa pagmantala sa Maayong Balita sa parokya ug GKK.

Kini napahitabo uban sa suporta sa Kura Paroko nga si Fr. Joel Caasi ug sa laykong nangusog niini nga si Leah Ibañez ug mga kaubanan.