Proyektong Angel Tree Napahigayon

Isip tubag sa kampanya niArsobispo Romulo Valles, D.D. nga tabangan ang atong mga igsoon nga na biktima sa bagyong Yolanda gipahigayon sa Worship Committee sa Parokya sa Virgen Dolorosa sa Babak ang proyektong Angel Tree.

Sa maongproyekto giimbita ang mga parokyano nga mokuha ug usa ka papel nga gibitay sa usa ka Christmas tree kung diin nahisulat sa maong papel ang mga basic nga panginahanglanon sa mga biktima ug kini ilahang ihalad atol sa misa sa gabii usa magpasko o sa misa sa adlaw sa pasko mismo.

Ang maong proyekto gi-suportaan sa mga parokyano ug dako kayo ang kalipay ni Msgr. Nelson Lucas ang kura paroko sa pagkamanggihatagon sa iyang mga parokyano.  Ang maong proyekto nakatigum ug: 38 bedding packs, 41 foot wear packs, 38 hygiene packs, 29 kitchen ware packs, 21 laundry packs, 92 medical packs, 159 school supplies packs, 126 toiletry packs, ugmga G.I. sheets, nails ugmga wires.