Kinaiya ug Misyon sa Simbahan

P: Unsa man ang gigikanan ug mga katumanan sa Simbahan?

T: Ang Simbahan nakakaplag sa iyang gigikanan ug katumanan diha sa tunhay nga plano sa Dios. Gipangandaman Siya diha sa Karaang Kasabotan uban sa pagpili kang Israel, ang timaan sa umaabot nga panagtigom sa tanang kanasoran. Tinukod pinaagi sa mga pulong ug mga buhat ni Jesucristo, gipatuman pinaagi sa iyang matubsanong kamatayon ug Pagkabanhaw, ang Simbahan nagapadayag isip misteryo sa kaluwasan pinaagi sa pagpabuhagay sa Espiritu Santo niadtong Pentekostes. Pagahingpiton Siya didto sa himaya sa langit isip katigoman sa tanang mga tinubos sa kalibotan.

P:   Unsa ang misyon sa Simbahan?

T: Ang misyon sa Simbahan mao ang pagsangyaw ug pagtukod sa Gingharian sa Dios nga nasugdan na ni Jesucristo nganha sa tanang katawhan. Dinhi sa kalibotan, ang Simbahan nahimong binhi ug sinugdanan niining maluwasnong Gingharian.

P: Sa unsang paagiha usa ka misteryo ang Simbahan?

T: Ang Simbahan usa ka misteryo sanglit diha sa iyang Makita nga reyalidad anaa ug buhi ang usa ka diosnon ug espirituhanong reyalidad nga makita lamang sa mga mata sa pagtoo.

(Cf. Kompendiyo sa Katekismo sa Simbahang Katoliko, 149-151)