Bunyag sa home parish gi-awhag

Panahon nga magpakasal ang usa ka tawo, pangayoan siya og baptismal certificate ug certificate of confirmation isip pagmatuod nga nabunyagan ug nakumpirmahan siya.

Pipila ka mga kaso nga dili makita ang records sa home parish tungod kay ang huna-huna sa magpakasal nga gibunyagan siya sa iyang home parish apan wala diay.

Mao kini ang gusto likayan sa kura paroko sa San Antonio de Padua Parish, Agdao nga si Fr. Leonie España nga sa laing parokya pa makita sa nanginahanglan og certificate tungod kay wala siya napahibalo sa iyang ginikanan nga dili siya nabunyagan sa ilang kaugalingong parokya.

Sumala ni Fr. España, iyang gina-awhag ang iyang mga parokyano nga sa parokya mismo magdawat sa mga sakramento sama sa bunyag ug kumpirma aron dili na maglisod og pangita panahon sa panginahanglan.

Dugang pa niya nga paagi usab kini sa pagsuporta sa mga parokyano sa ilang kaugalingong parokya gawas sa pagsimba matag Domingo.