Pasko na … Magsadya ta!

KASADYA ning panahona kay ang pulong nahimong tawo ug miuban kanato.
ROSARYO ikaw sa kalipay, kasakit, himaya, ug kahayag nga gisagubang usab namo sa among pagpanaw ning kinabuhi
IKAW lamang Hesus ang Prinsipe sa Kalinaw nga bugtong tinubdan sa kalinaw sa among kalag og ispirito.
SAMA sa imong kaaghop kami unta mamahimong tinuod nimong disipulo alang sa uban
TANAN kita moyukbo sa Hari sa mga Hari nga miari uban kanato aron pag-alagad kanato.
O Kristong Manunubos, sa kanunay giyahi og tabangi kami sa pagsagubang namo sa mga hagit og pagsulay nga mohadla sa among kinabuhi

MANLULUWAS sa kalibutan ayaw kami akyasa sa among paghulat sa imong mahimayaong pagbalik
ENERHIYA ka nga nagpalagsik kanamo sa panahon sa kaluya og nagaawop namong pagtoo.
SUGA ka nga kanunay modan-ag kanamo aron dili kami mahisalaag sa dalan sa kaluwasan
INSENSO, Mira og bulawan nga gihalad sa mga Haring Mago among rason nga himayaon ka usab namo
YANO ikaw bisan pa sa tumang kahalangdon nga mipuyo ka uban kanamo og mitubos sa among mga kasal-anan
ANGHEL ka nga mikunsad sa panahon sa among mga pag-antos og kalisdanan nga nasinati ning kalibutan sa mga piniling katawhan.
SANTOSA kami bisan pa sa among kahuyang og kalapasan nga nahimo batok sa imong kabubut-on ug kami magdayeg og magpasalamat kanimo hangtod sa kahangturan. Amen.