Pagpaambit ni

ARTICLE -1
Mitoo ako sa Dios Amahan, nga makagagahom sa tanan magbubuhat sa Langit ug yuta!

Year 2010:
Never in my mind or beyond zero degree mahitabo kini sa akong pamilya. Alang kanako, kato ang pinasakit nga panghitabo. Tungod nabuntis ang kinamanghuran nakong anak, nga wala nako damha. Na freeze akong utok, sa pagkadungog sa balita. Maskin sa akong bana maulaw ko mosulti. Boot nakong pugngan ang mga panghitabo, labi na diha sa simbahan nga halos kami nga pamilya nangalagad lakip na si kim, ug diha sa akong paryente nga giila ko nila na modelo.

Second lang, kaulaw og kahadlok akong gibati dihang nahibaloan nako ang panghitabo. Daw dili ko katoo,ug aron dili ulaw nga mogawas si kim na Pina-angkan amo siyang gipakasal.
Wala nako naghuna-huna ani unsay dangatan, Daghan nidumili, pero wala ko naminaw. Gidoble nako akong pag-ampo kung pwede ampo nalang kanunay. Kay human sa kasal nisamot ang problema. Grabeng antus apektado na tanan! Laktud pagkasulti wala magdugay, nidisisyon si kim. Nag bulag. Apan luyo nianang tanan nagpasalamat ko sa Dios.

Nilabay ang pag antus bunga sa sayop nga disisyon, Aduna pa diay grasya luyo sa tanang panghitabo. Wala diay makawang ang akong pag-ampo. Nagpasalamat ako sa Dios nga gigiyahan niya si Kim sa sugod palang wala niya gipa abort ang bata giatiman niya kini pag-ayo diha sa iyang sabakan.
Nagpasalamat pod ko kay Kim sa grasya nga iyang naangkon. Nga wala siya gidoog sa kaulaw og kahadlok nga gipahimugso niya ang batang babae nga naghatag kanamog kalipay. Nagpasalamat pod ko sa gasa sa pagtuo nga luyo sa mga pagsulay nakapadayon gihapon mi nga pamilya sa pagpangalagad.
Sa katapusan naka-ingon ko:

Dili lang diay nato gub-on ang kinabuhi nga minugna sa Dios, Maskin magdala kini kanato og kaulaw kay luyo nianing tanan maayo man o dili aduna kini kadaugan.
Mopadayon lang gyud tag salig kaniya! Og mao ni si Raffy karon ang Anak ni Kim. Usa ka maayong binuhat sa Dios, Usa ka Grasya gikan sa Amahan nga magagagahum sa tanan.

Sorlinda O. Lozada