Lig-on Na ang Akong Pagtoo

Knot
KEVIN ALEGRIA, PPI
GKK SAN JOSE, ST. JOSEPH PARISH, SASA
VOLUNTEER, PROGRAM COMMITTEE, 3D

“Sa una, wala gyud ko’y interes sa mga ing anang kalihukan tungod kay dili man gayud nako matanggal ning akong pagkatapulan ug hangtod nga gihikap ko sa Ginoo panahon nga mu-alagad ug didto na nako nakit-an ang kaanindot sa pagserbisyo. “

Isip usa ka youth member sa among katilingban, nag-alagad ko isip usa ka assistant Pangulo sa Pagpahigayon ug Impormasyon sa among GKK. Ako nagahatag ug impormasyon bahin sa mga kalihukan sa GKK ug tighatud sa mga katikaran gikan sa parokya.
Nag-sugod kini ‘tong gamay pa ko sa una. Hilig kaayu nako ang musalmot sa Flores de Mayo ug ang akong pag-alagad sa katilingban isip usa ka magbabasa sa Kasaulogan sa Pulong kun diin ika 2 ka Sabado sa usa ka bulan lamang tungod sa akong mga prayoridad sa akong pag eskwela sa College.
Dili gayud nako malikayan ang daghang responsibilidad nga gisalig ug gihatag sa akong mga silingan na ako gyud ning gipaninguhaan nga buhaton.
Mao kini ang akong unang higayon nga aduna ko’y dakong kalambigitan sa katilingban kay mao kini ang sugod sa akong pag-ila sa uban ug maka reach-out gyud ko.
Sa una man gud sa wala pa ko nahatagan ug katungdanan, mao pud tong mga higayuna na naghuna-huna gyud ko’g pag-ayo kung unsa ba gyud ang akong unang buhaton.
Kalooy sa Dios, ila kong gitudluan kung asa ko magsugod sa pagtabang nila.
Ang akong kinabuhi sa una diha sa pagtuo usa ka bombilya, puede nimong palungon ug sindihan. Nabatasan naman nako na mutu-o anang mga pamahiin, mga laing pagtulun-an sa uban ug labaw sa tanan ang idolatry. Isip usa ka Katoliko, dili nako ni ikalimod apan karon ang akong pagtuo lig-on na kaayo bisan pa man ila kining dauton. Daghan kaayu ko’g natun-an niini tungod sa mga kamatuoran gikan sa bibliya.
In the midst of judgment sa ubang pagtulun-an, wa gyud ko matandog kun unsa man ang ilang giingon.
Ang GKK ni Senior San Jose ang nahimo nakong inspirasyon kung unsa man ko ka malipayon sa pag-alagad sa katilingban karon ug bisan pa man gani sa akong pag-eskwela.