Ang Lihok sa Espiritu Santo

P: Unsa man ang gipasabot nga ang Espiritu “misulti pinaagi sa mga propeta”?

T: Ang pulong “mga propeta” nagapasabot niadtong mga linamdagan sa Espiritu Santo sa pagsulti diha sa ngalan sa Dios. Ang Espiritu mihatod sa mga panagna sa Karaang Testamento ngadto sa ilang hingpit nga katumanan diha ni Cristo kansang misteryo iyang gipadayag diha sa Bag-ong Testamento.

P: Unsa man ang nahimo sa Espiritu Santo dinha kang Juan nga Magbubunyag?

T: Ang Espiritu mipuno kang Juan nga Magbubunyag, nga mao ang kataposang propeta sa Karaang Testamento. Ubos sa iyang lamdag, si Juan gipadala aron “sa pag-andam alang sa Ginoo og usa ka katawhan nga modawat kaniya” (Lukas 1:17). Siya ang nagmantala sa pag-abot ni Cristo, ang Anak sa Dios, nga iyang nakita-ana nga gikunsaran sa Espiritu ug nagpabilin kaniya, siya nga “nagabunyag uban sa Espiritu” (Juan 1:33)

P: Unsa man ang buhat sa Espiritu diha kang Maria?

T: Ang Espiritu Santo mihatod ngadto sa katumanan diha ni Maria sa tanang mga pagpaabot ug pagpangandam sa Karaang Testamento alang sa pag-anhi ni Cristo. Sa ulusabong paagi, iyang gipuno si Maria sa grasya ug gihimo niyang mabungahon ang iyang pagkabirhen aron mapahimugso siya sa Anak sa Dios nga nahimong may lawas. Gihimo Niya siyang Inahan sa “tibuok nga Cristo”,nga mao, si Jesus ang Ulo u gang Simbahan ang iyang Lawas. Si Maria didto uban sa Napulog Duha sa adlaw sa Petekostes sa dihang gisubhan sa Espiritu Santo ang “mga kataposang adlaw” diha sa pagpadayag sa Simbahan.

(Cf. Kompendiyo sa Katekismo sa Simbahang Katoliko, 140-142)