Advent Recollection sa mga PSB sa Virgen de los Remedios Parish Gipahigayon

Kapin 30 ka mga Pangulo sa Batan-on (PSB) sa matag GKK sa Virgen de los Remedios Parish, Crossing Bayabas, Toril ang nitambong sa gipahigayon nga Advent recollection niadtong December 8, 2013 sa GKK San Roque, Uguis, Eden, Toril, Davao City.

Tinguha sa maong recollection nga masabtan sa mga PSB pag-ayo ang ilang mga kaugalingon ug mapalawman ang ilang kahibalo sa hisgutanang adbyento isip mga tumutoo ug lideres. Kini usab usa ka pagpangandam sa pag-abot ni Kristo. Ug ang maong panagtapok nanghinaot nga makatabang kanila sa pagpaambit sa ilang mga nasabtan ug nakat-onan sa ilang mga kaubanang Batan-on.

Ang maong panagtapok nagmalampuson tungod sa hiniusang pagtinabangay sa mga batan-ong lideres gikan sa nagkadaiyang GKK ug gipangunahan kini sa Parish Youth Apostolate (PYA) nga gipangulohan nila ni Rowena Ocho, Jay Bongas, Lea Arabis ug sa giya ni Padre Johnny Autida, Kura Paroko.