Si Kristo Namatay, Nabanhaw

P: Unsa man ang “impiyerno” nga gikanaogan ni Jesus?
T: Kining maong “impiyerno” lahi sa impiyerno sa mgta kondenado.Kahimtang kini sa tanang matarong ug daotan nga namatay sa wala pa si Cristo. Uban sa iyang kalag nga nahiusa sa iyang diosnong Persona, si Jesus mikanaog sa mga matarong didto sa impiyerno nga nagpaabot sa ilang Manunubos aron sa kataposan makasulod sila sa pagsud-ong sa Dios. Sa dihang, pinaagi sa iyang kamatayon, gidaog niya ang kamatayon u gang yawa “nga may gahom sa kamatayon” (Hebreo 2:14), iyang gipalingkawas ang mga matarong nga nagpaabot sa Manunubos ug gibuksan alang kanila ang ganghaan sa langit.

P: Unsa may luna nga gihuptan sa Pagkabanhaw ni Cristo diha sa atong pagtoo?
T: Ang pagkabanhaw ni Jesus mao ang gapurong-purong kamatuoran sa atong pagtoo diha ni Cristo ug nagatimaan uban sa iyang krus sa usa ka kinahanglanong bahin sa Paskohanong misteryo.

P: Unsa man ang mga timaan nga nagsaksi sa Pagkabanhaw ni Jesùs?
T: Ubsan sa sukaranang timaan sa walay-sulod nga lubnganan, ang Pagkabanhaw ni Jesus gisaksihan sa mga babaye nga unang nakasugat kang Cristo ug mimantala kaniya sa mga apostoles. Dayon si Jesùs “nagpakita kang Pedro, ug unya sa Dose ka mga Apostoles. Unya sa usa ka higayon, nagpakita siya sa kapin 500 sa iyang iyang mga sumusunod” (1 Corinto 15:5-6) ug usab ngadto sa uban. Ang mga apostoles morag dili gayod makaako sa pagtumotumo sa hitabo sa pagkabanhaw kay kini morag imposible alang kanila. Gani gipangsaway sila ni Jesus tungod sa ilang pagkawalay-pagtoo.
(Cf. Kompendiyo sa Katekismo sa Simbahang Katoliko, 125-127)